Андижон вилоятининг Хўжаобод ва Жалақудуқ туманлари орасидаги кўприклардан бири қулагани ҳақида хабар берилганди. Ҳолат бўйича вилоят ФВБ матбуот хизмати муносабат билдирди.
Маълум қилинишича, 14 июль куни соат 15:15 да Хўжаобод ва Жалақудуқ туманларини боғлаб турувчи “Оқбўйра сой” устига қурилган кўприк қулаб тушгани тўғрисида хабар келиб тушган.
Воқеа содир бўлган жойга Андижон вилояти ФВБ раҳбарияти, туман ҳокимлик вакиллари ва Андижон вилояти ФВБ Қутқарувчилари етиб борган.
Ҳозирда “Оқбўйра сой” сув оқими ўз йўлида ҳаракатланмоқда.
Мазкур ҳолат юзасидан фуқароларнинг тан жароҳати ёки ҳалок бўлганлар тўғрисидаги маълумот келиб тушмаган.
Изоҳ (0)