Филиппинда 11 июль куни 7,1 балли кучли зилзила юз берган. Бу ҳақда EMSC нашри хабар берди.
Манбада айтилишича, ер силкиниши Минданао шаҳри яқинида кузатилган. Зилзила маркази асосан сув остида бўлгани боис ҳалокатли тебранишлар юз бермаган.
Зилзила эпитцентри денгиз сатҳидан 630 километр чуқурликда бўлган. Филиппин сейсмология агентлиги аҳолига баёнотида денгиздаги чуқур зилзила зарар келтирмаслигини, аммо келгусида яна шу каби зилзила қуруқликда бўлиши кутилаётганини айтган.
Мутахассислар силкиниш Филиппинга туташ Тинч океанининг “олов ҳалқаси” деб номланган ҳудудида рўй берганини билдирган. Ушбу ҳудуд остида кўплаб фаол ерости кратерлари мавжуд бўлиб, саёзлик бўйлаб вулқонлар ва зилзилалар тез-тез кузатилади.
Ҳалокат юз берган Моро кўрфази аҳолисига келгуси фавқулодда вазиятларга тайёрланиш тавсия қилинган. Денгиздаги зилзила оқибатида кўрфаз ҳудудидаги бир қанча аҳоли масканларида биноларга шикаст етган, иншоотларнинг деворлари ёрилиб кетган.
Қарийб 7 балли зилзила Минданао шаҳридан ташқари мамлакатнинг Замбоанга, Каламансиг ва шаҳарларида ҳам кузатилган. Денгизда сув кўтарилиши юз бериб, кўрфаздаги бир қанча кичик оролларга сув тошган.
Изоҳ (0)