Гастроэнтеролог Екатерина Симбалова ёзнинг жазирама иссиқ кунларида ичимликлар танлаш бўйича ўз тавсияларини бериб ўтди. Шифокор сўзларига кўра, нафақат оддий ичимлик суви, балки минерал сув чанқоқни тез қолдириш, овқат ҳазм қилиш тизимини яхшилаш учун ажойиб танловдир.
Минерал сув терлаш туфайли танадан чиқиб кетган электролитлар даражасини тезроқ тиклайди, шунинг учун иссиқ ҳавода оддий сувдан кўра минерал сув ичиш фойдалироқдир.
Шунингдек, чанқоқни узоқ муддатга қондирадиган ичимликлар сирасига шакарсиз, уй шароитида тайёрланган мевали компот ва морслар киради.
Мутахассиснинг фикрига кўра, квас ҳам жуда яхши танлов, чунки у овқат ҳазм қилишни яхшилайди ва ичаклар микрофлорасига ижобий таъсир кўрсатади. Уй шароитида тайёрланадиган ушбу ичимликлар дўконлардагидан фарқли ўлароқ, консервант, қўшимча ва бўёқлардан холи. Шунинг учун улар соғлиққа эътибор қаратадиган одамлар учун доимо салқинлатувчи вариант бўлиб қолади.
“Квас таркибида B, C ва E витаминлари мавжуд”, дея қўшимча қилди шифокор.
“Бундан ташқари, ёз фаслида айрон ёки кефир каби сут маҳсулотларини кундалик таомнома рўйхатига киритиш мумкин. Улар таркибидаги сут кислотаси чанқоқни яхши қондиради, осон ҳазм бўлади ва улар таркибидаги фойдали витаминлар танада яхши сўрилади. Кефир ва айрон овқат ҳазм қилиш тизимини рағбатлантиради ва ичак микрофлорасини яхшилайди”, дейди гастроэнтеролог.
Изоҳ (0)