Айнан шу соҳа ҳаёт учун хавфли касалликлар билан курашаётган беморларга умид бахш этади. Илмий тадқиқотлар ушбу даволаш усулининг имкониятларини очиб беришда давом этар экан, Acıbadem шифохоналари тармоғи биринчилардан бўлиб суяк илигини трансплантация қилиш таомилларини юқори даражада амалга оширишни бошлади.
Суяк илиги трансплантациясини тушуниш
Суяк илиги - бу суяклар ичидаги ғовакли тўқимадир. Шунингдек, у турли қон ҳужайраларига айлана оладиган ажойиб қобилиятга эга бўлган илдиз ҳужайраларининг бой манбаидир. Суяк илиги трансплантацияси, шунингдек, илдиз ҳужайралари трансплантацияси деб ҳам аталади, ва ўз суягининг илиги қобилиятсиз бўлган беморлар учун тайинланади.
Суяк илиги трансплантациясининг иккита асосий турлари мавжуд:
Аутологик трансплантация - беморнинг ўз илдиз ҳужайралари саратон ҳужайраларини йўқ қилиш учун юқори дозали кимётерапияни ўтказишдан олдин йиғилади. Сўнг беморнинг иммунитет тизимини тиклаш ва қон ҳужайралари ҳосил қилинишига ёрдам бериш учун йиғилган илдиз ҳужайралари беморнинг организмига қайта киритилади.
Аллоген трансплантация — мос келадиган донордан (одатда ака-ука, опа-сингил ёки тўғри келадиган кўнгилли) олинган илдиз ҳужайралари ишлатиладиган ҳолат. Донорнинг соғлом илдиз ҳужайралари реципиентга (беморга) касаллик билан курашиш ва иммунитет тизимини тиклашга ёрдам беради.
Суяк илиги трансплантациясини қўллаш
Ушбу муолажа турли касалликларни даволашда усул сифатида ҳаётий аҳамиятга эга, шу жумладан:
Лейкемия
Лимфома
Апластик анемия
Миелодиспластик синдромлар
Баъзи ирсий қон касалликларида
Acıbadem шифохоналари тармоғининг экспертизаси
Суяк илигини трансплантация қилиш Марказида юқори малакали гематологлар, тиббий онкологлар ва бошқа мутахассислардан иборат жамоа фаолият юритади. Ушбу экспертлар, шу жумладан профессор Сами Карти ва доцент Ант Узай, беморларга шахсий даволаш режасини тақдим этиш ва энг яхши натижаларни таъминлаш учун, биргаликда ишлайдилар.
Муваффақиятга таъсир қилувчи омиллар
Суяк илигини трансплантация қилиш натижадорлиги бир неча омилларга боғлиқ:
Беморнинг ёши ва саломатлигининг умумий аҳволи: аутологик трансплантация баъзи ҳолларда 70 ёшгача ёки ҳатто 75 ёшгача бўлган беморларда амалга оширилиши мумкин бўлса-да, муолажа муваффақиятли бўлиши эҳтимоли одатда ёш беморларда юқори бўлади. Бунда беморнинг умумий саломатлиги аҳволи ва бошқа касалликларга чалинганлиги ҳам рол ўйнайди.
Касаллик босқичи: суяк илигининг трансплантацияси касаллик назорат остида бўлганида энг катта самара беради.
Донорларнинг мос келиши (аллоген трансплантацияларда): трансплантация муваффақиятли ўтиши учун донор ва реципиентнинг (беморнинг) илдиз ҳужайралари бир-бирига жуда ўхшаш бўлиши ҳал қилувчи аҳамиятга эга.
Тиббий жамоанинг профессионаллиги: трансплантологлар гуруҳининг билимлари ва тажрибаси натижага сезиларли таъсир кўрсатади.
Acıbadem шифохоналар тармоғи мукаммалликка интилади
Acıbadem ҳар бир бемор суяк илиги трансплантацияси соҳасидаги эришилган сўнгги ютуқларидан фойдаланиш имкониятига эга бўлиши учун барча саъй-ҳаракатларини ишга солади. Шифохона жамоаси оптимал натижаларга эришиш учун энг замонавий технологиялар ва беморларнинг хавфсизлиги бўйича қатъий протоколлардан фойдаланади.
Тез-тез бериладиган саволлар:
Муолажа оғриқлими?
Суяк илиги ёки илдиз ҳужайраларини йиғиш бир оз оғриқ келтириши мумкин бўлса-да, биз ноқулайлик билан курашиш учун анестезиядан фойдаланамиз. Бизнинг тиббий гуруҳимиз бутун муолажа давомида сизга максимал қулайликни қандай таъминлаш ҳақида барчасини билади.
Суяк илиги ва илдиз ҳужайралари трансплантацияси ўртасида фарқ борми?
Иккала муолажанинг мақсади - қон ҳосил қилувчи илдиз ҳужайраларини йиғиш ва беморга ўтказишдир. Трансплантатнинг номи илдиз ҳужайраларининг манбасига қараб фарқ қилиши мумкин. Илдиз ҳужайраларини суяк илигидан ёки қондан (периферик ёки киндик ичакчасидаги) олиш мумкин.
Суяк илиги/илдиз ҳужайралари рецепиентнинг (беморнинг) организми томонидан қабул қилинмаслиги хавфи борми?
Касаллик, даволаш тарзи ва беморнинг аҳволига қараб, бундай хавф доимо мавжуд.
“Трансплантат эгасига қарши” реакцияси – бу нима?
Бундай ҳолат аллоген трансплантацияда, донор ҳужайралари беморнинг ҳужайраларини бегона деб қабул қилиб, уларга ҳужум қила бошлаганида юзага келади. Бу яққол иммунологик реакция натижасида орган дисфункцияси билан кечадиган мураккаб клиник синдромдир.
Acıbadem шифохоналари тармоғида суяк илиги трансплантациясини амалга оширишнинг афзалликлари нимада?
Туркиядаги суяк илиги трансплантацияси Марказларимиз энг янги технологиялар билан жиҳозланган, энг юқори стандартларга мувофиқ фаолият юритади ва суяк илиги трансплантацияси соҳасида тажрибали шифокорлар жамоасига эга. Бундан ташқари, тўпланган ҳужайраларни саралаш ва ишлов бериш GMP аккредитация сертификати билан Туркиянинг Acıbadem Лабcell компаниясининг лабораторияларида амалга оширилади.
Тошкентдаги ваколатхонамизнинг манзили: Тошкент шаҳри, Мирзо Улуғбек тумани, Буюк ипак йўли мавзеси, 19-уй.
Телефон: +998 95 144 54 45
Самарқанддаги ваколатхонамизнинг манзили: Самарқанд шаҳри, Мирзо Улуғбек 140.
Телефон: +998 66 234 41 71
Бухородаги ваколатхонамизнинг манзили: Академик I. Муминов кўчаси, 7.
Телефон: +998 55 311 54 44
Расмий сайт орқали барча керакли маълумотларга эга бўлишингиз мумкин: www.acibadem.com.ru
Шунингдек, қўшимча маълумотларни олиш учун, ҳамда тажрибали ва юқори малакали шифокорларнинг қабулига ёзилиш учун Acıbadem расмий Facebook ва Instagram саҳифаларига аъзо бўлишингиз мумкин.
Реклама ҳуқуқи асосида.
Изоҳ (0)