Охирги 24 соат ичида Украинанинг турли ҳудудларига уюштирилган ҳаво ҳужумлари натижасида 8 киши ҳалок бўлди, камида 55 киши жароҳатланди. Бу ҳақда Украина расмийларига таяниб, Anadolu хабар берди.
Днепропетровск вилояти ҳарбий маъмурияти раҳбари Сергей Лисак Днепрда 3 июль куни ракета ҳужуми натижасида ҳалок бўлганлар сони 5 кишига етганини маълум қилган.
Россиянинг Днепрга эрталабки ҳужуми туфайли 5 киши ҳалок бўлди. 27 киши жароҳатланган. Улардан 11 нафари касалхонага ётқизилган. Икки нафари оғир аҳволда, — деб ёзган Лисак Telegramъда.
Бундан ташқари, вилоят прокуратураси матбуот хизмати Харьков вилояти, Изюм тумани, Бороваянинг марказий қисмига уюштирилган ҳужумлар натижасида ҳалок бўлганлар ва жароҳатланганлар борлиги ҳақида хабар берган.
Фуқаролик инфратузилмалари, хусусан, 10 дан ортиқ турар жой бинолари, ёрдамчи бинолар, дўконлар ва маъмурий бинолар зарар кўрган. 48 ёшли эркак ҳалок бўлди, унинг жасади уй вайроналари остидан топилган. 75 ёшли аёл ўткир стрессни бошдан кечирди, 50 ёшли эркак эса жароҳат олди, — дейилади хабарда.
Украина расмийлари бир кун ичида руслар Донецк вилоятидаги аҳоли пунктларини 26 марта ҳаводан ўққа тутгани ҳақида хабар берган. Ҳодиса оқибатида 351 киши, жумладан, 34 нафар бола фронтдан эвакуация қилинган.
Херсон вилоят ҳарбий бошқармаси бошлиғи Александр Прокудин вилоятда сўнгги 24 соат ичида ҳаво ҳужумлари оқибатида бир киши ҳалок бўлгани, яна 15 киши яраланганини айтган.
Харьков вилоятининг “Русская Лозовая Дергачив” маҳалла фуқаролар йиғинидаги турар жой биноси ҳам жабрланган, камида учта қурбон. Бир кишининг аҳволи оғир, дея Давлат ҳарбий бошқармаси раҳбари Вячеслав Задоренко хабар берган.
Изоҳ (0)