Тошкент вилояти Паркент туманидан 20 сотих ер майдони олиб беришни ваъда қилган шахс ушланди. Бу ҳақда Бош прокуратура ҳузуридаги департаменти хабар берди.
Қайд этилишича, департаментнинг Паркент туман бўлими ва ИИБ ходимлари ҳамкорлигида тезкор тадбир ўтказилган. Тадбирда У.М. исмли шахс фуқаро Н.Х.нинг ишончига кириб, унга “Навбаҳор” қўрғони ҳудудидан 20 сотих ер майдонини танишлари ёрдамида 40 минг доллар эвазига ҳужжатларини расмийлаштириб олиб беришини ваъда қилиб, шундан 5 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
- Аввалроқ Сирдарёда беш гектар ер майдонини 40 минг АҚШ долларига сотишга уринган опа-ука қўлга олинган эди.
- Апрель бошларида эса Навоийда 80 гектар ерни 1 миллиард сўмга сотишга уринган шахслар ушлангани,
- Самарқанд ва Фарғонада ноқонуний ер сотиш ҳолатларига чек қўйилгани тўғрисида хабар берилганди.
Изоҳ (0)