Бухоро вилояти Олот туманида эркак ўғли билан уришган 5 яшар болани калтаклагани ҳақида хабарлар тарқалди. Болалар омбудсмани ҳолатга изоҳ берди.
Маълум бўлишича, 2024 йил 24 июнь куни Бухоро вилояти Олот тумани тиббиёт бирлашмаси навбатчи шифокори Г.Ҳ. ИИБга хабар бериб, тумандаги мактабгача таълим муассасаси тарбияланувчиси, 2019 йилда туғилган А.Ю. тан жароҳати билан олиб келинганини билдирган.
Ўтказилаётган терговга қадар текширув жараёнида аниқланишича, 24 июнь куни мазкур боғчада бўлган А.Ю. бошқа бола — А.С. (2019 йилда туғилган) билан уришган, шу сабабли А.С.нинг отаси Х.Ф. А.Ю.нинг юзига уриб, жароҳат етказган.
Ҳозирда болага етказилган жароҳатнинг даражасини аниқлаш юзасидан суд-тиббий экспертиза тайинланган. Мазкур ҳолат юзасидан терговга қадар текширув давом этмоқда. Бу борада қўшимча маълумот берилади.
Аввалроқ Бухорода фарзандини муттасил калтаклаб, қийнаб келган аёл 3 йилга қамалгани, Самарқандда боғчадаги болалардан бири 3 ёшли қизнинг қўлларидан тишлаб, жароҳат етказгани, Андижондаги боғчада тарбиячи боланинг юзига бир неча бор тарсаки туширгани тўғрисида хабар берилганди.
Изоҳ (0)