Самарқанд вилоятининг Тойлоқ туманида 6 ёшли ўгай ўғлини калтаклаган эркак руҳий касалликлар шифохонасига ётқизилди. Бу ҳақда болалар омбудсмани хабар берди.
Аниқланишича, 23 июнь куни 1988 йилда туғилган эркак Ш.Н. ўзи билан бирга 2024 йилдан шаърий никоҳда бўлган Т.Д.нинг 2017 йилда туғилган 6 яшар ўғил — Э.О.ни яшаш хонадони ҳовлисида камар билан калтаклаган.
Ҳолат юзасидан 24 июнь куни терговга қадар текширув бошланди. Вояга етмаган болада тан жароҳатлари аниқланиб, ҳозирда унга тиббий ёрдам кўрсатилмоқда. Бу борада суд тиббиёт экспертизаси тайинланган.
Шунингдек, эркак Тойлоқ тумани тиббиёт бирлашмаси тиббий кўригидан ўтказилганда, унинг руҳиятида ўзгаришлар борлиги аниқланиб, Самарқанд вилояти руҳий касалликлар шифохонасига ётқизилди ва унинг ҳолати юзасидан суд-психиатрик экспертиза тайинланди.
Ҳозирда ҳолат юзасидан Тойлоқ тумани ИИБ ҳузуридаги ТБ терговга қадар текширув ҳаракатлари олиб бормоқда.
Изоҳ (0)