Россиялик ёзувчи Захар Прилепин Москва давлат университетида “ахборот ва гибрид уруш” бўйича мутахассислар тайёрлайди, талабаларга “юмшоқ куч”ни ўргатади. Бу ҳақда “Коммерсант” хабар берди.
Прилепиннинг 2023 йил Ўзбекистонни Россия таркибига қўшиб олиш таклифи жамоатчилик орасида кескин танқидларга сабаб бўлганди. Москва давлат университети Сиёсий фанлар факультети ёзувчи ва сиёсатчи Захар Прилепин иштирок этадиган “Стратегик алоқалар, ахборот ва гибрид урушлар” бўйича янгиланган магистрлик дастурини тақдим этди.
Прилепин “юмшоқ куч” институтини яратишни мақсад қилгани, шунингдек, факультетга ҳарбий мухбирлар, адиблар ва сиёсатшунослар билан билимларини улашишга тайёр эканини айтган. Унинг тушунтиришича, сўнгги 30 йил давомида Россиянинг “юмшоқ кучиъ билан шуғулланган одамлар олдида “тубдан бошқача вазифалар” турган, яъни ғарбий ҳамкорлар билан “фаровонлик имиджини” шакллантириш бўлган.
“Лекин олдимизга қўйилган вазифалар бунинг акси. Бизга мутлақо бошқа юмшоқ куч керак”, — деди у.
Изоҳ (0)