Хитойнинг Chang’e ой зондининг модули Ойнинг кам тадқиқ этилган томонида тўпланган тупроқ намуналарини Ерга етказди.
Хитой давлат ахборот агентлиги 25 июнь куни зонддан туширилган Ой тош намуналари бўлган капсула Ички Мўғулистон провинциясига қўнгани ҳақида хабар берган.
Чанғэ 6 ой миссияси 53 кун давом этган. Намуна олиш Жанубий қутб-Эйткен ҳавзасида, Ойнинг нариги томонидаги энг катта маълум бўлган кратерда бўлиб ўтган. Материални ажратиб олиш учун зонд махсус бурғилаш мосламаси ва робот қўлдан фойдаланган, — деб ёзади Sinxua агентлиги.
Муваффақиятли намуналар йиғилгандан сўнг, кратерга ХХР байроғи ўрнатилган.
Хитой зонди Ойнинг нариги томонидаги тош намуналари билан Ерга қайтган тарихдаги биринчи космик кемага айланди. Хитой, хитойлик мутахассислар томонидан намуналарни ўрганиб чиққандан сўнг, материалларга жаҳон илмий ҳамжамияти киришини таъминлашга ваъда берган. Ойнинг узоқ томони минтақада сув музлари мавжудлиги эҳтимоли сабабли Жанубий қутб тадқиқотчиларни ўзига жалб қилади.
Хитой учун бу миссия мамлакатнинг улкан космик дастуридаги навбатдаги муваффақият ва Хитойнинг Ойга бошқариладиган космик кемани учириш йўлидаги муҳим амалиётидир. Космик кемани 2030 йилгача жўнатиш режалаштирилган.
Хитойнинг Ой дастури сунъий йўлдошда яшаш учун қулай база яратиш мақсадида Ойни кенг кўламли зондлашни ўз ичига олади. Янги “ой пойгасида” Хитойнинг рақобатчиси аллақачон Ҳиндистон бўлиб, унинг “Чандраяан-3” модули 2023 йил август ойида Жанубий қутб яқинига муваффақиятли қўнган эди.
Изоҳ (0)