Фарғона вилояти ИИБ ходимлари томонидан ўтказилган тезкор тадбирлар давомида ноқонуний ер савдоларига чек қўйилди. Бу ҳақда идора матбуот хизмати хабар берди.
Маълум бўлишича, 1994 йилда Ўзбекистон туманида туғилган шахс туманнинг “Пахтақайнар” МФЙда жойлашган, отаси раҳбарлигидаги боғдорчиликка ихтисослашган фермер хўжалигига 49 йил муддатга ижарага берилган 1 гектар 30 сотих ер майдонини фермер хўжалиги раҳбарининг хабарисиз 16 минг долларга сотмоқчи бўлган.
У келишилган пулдан 10 минг долларни олган вақтида ашёвий далиллар билан ушланган.
Бошқа бир ҳолатда Қўқон шаҳрида ўтказилган тезкор тадбир давомида 51 ёшли шахс “Гулистон” массиви ҳудудида жойлашган боғдорчиликка ихтисослашган фермер хўжалигига 49 йил муддатга ижарага берилган 1 гектар ерни 25 минг долларга сотишга келишгани аниқланган. У аванс тариқасида 10 минг долларни олганида қўлга тушган.
Аниқланган ҳолатлар юзасидан Жиноят кодексининг 168-моддаси (фирибгарлик) билан жиноят иши қўзғатилган.
- Аввалроқ Сирдарёда беш гектар ер майдонини 40 минг АҚШ долларига сотишга уринган опа-ука қўлга олинган эди.
- Апрель бошларида эса Навоийда 80 гектар ерни 1 миллиард сўмга сотишга уринган шахслар ушлангани,
- Самарқанд ва Фарғонада ноқонуний ер сотиш ҳолатларига чек қўйилгани тўғрисида хабар берилганди.
Изоҳ (0)