Ливаннинг “Ҳизбуллоҳ” гуруҳи раҳбари Ҳасан Насруллоҳ тўлақонли уруш бўлса, Исроилда “ҳеч қандай жой” қолмаслигидан огоҳлантирди. Бу ҳақда Al Arabiya хабар берди.
Насруллоҳ Исроилга ўзининг аэропорт ва базаларини очиш эҳтимолига қарши Кипрга ҳам таҳдид қилди. Кипр ҳам Исроил, ҳам Ливан билан яхши муносабатларга эга ва иккала давлатнинг қирғоқларига яқин жойлашган.
“Ливанни нишонга олиш учун Исроилга аэропорт ва базаларини очиб бериш Кипр ҳукумати урушнинг бир қисми эканини англатади. Душман биз энг ёмон вазиятга ҳам тайёрлигимизни яхши билади...ракеталаримиз етиб бормайдиган бўш жой қолмайди.
Исроил бизни қуруқликда, денгизда ва ҳаводан (ҳужум қилишимизни) кутиши керак. Душман ҳақиқатан ҳам қаршилик Исроил шимолидаги Галилеяга (Ливан билан чегарадош ҳудуд) кириб келишидан қўрқади. Ливанни урушга мажбурлаш контекстида бу амалга ошиши мумкин”, — деди “Ҳизбуллоҳ” етакчиси.
Насруллоҳнинг баёноти Исроил расмийлари “Ҳизбуллоҳ”га қарши кенг кўламли урушга тайёрлигини тасдиқлаганидан сўнг эълон қилинди.
“Душман нима деса ҳам, воситачиларнинг таҳдид ва огоҳлантиришлари ҳам, Исроил оммавий ахборот воситаларида Ливандаги уруш ҳақида айтилган гаплар ҳам бизни чўчитмайди”, — деди “Ҳизбуллоҳ” раҳбари.
У Исроил “қўрқиши” керак бўлган томон экани, “Ҳизбуллоҳ” Исроил билан қаршилик бошланганидан бери, яъни октябрь ойидан бери қуролларининг фақат “бир қисмини” қўллагани ҳақида огоҳлантирди.
“Биз янги қуролларга эга бўлдик. Айрим қуролларимизни такомиллаштирдик, бошқаларини келгуси кунларга сақлаб қоламиз. Йиллар олдин 100 минг жангчи ҳақида гапирган бўлсак, ҳозирда бу рақамдан анча ошиб кетдик”, — деди у.
Исроил-Ливан тўқнашуви Ливанда камида 478 кишининг ҳаётига зомин бўлди, уларнинг аксарияти жангчилар, шу жумладан 93 нафари тинч аҳоли вакилларидир. Исроил расмийларига кўра, мамлакат шимолида камида 15 аскар ва 11 тинч аҳоли ҳалок бўлган.
Изоҳ (0)