Франция ҳукумати Украинага Mirage 2000 жанговар самолётларини етказиб беради. Бу ҳақда Франция президенти Эммануэл Макрон давлат телевидениесида берган баёнотга асосланиб, Reuters нашри хабар берди.
Эммануэл Макрон бу ҳақда 6 июнь куни маълум қилган. Mirage 2000 яқин муддатда Киевга топширилиши маълум қилинган.
Манбада айтилишича, Украина президенти Владимир Зеленский 7 июнь куни Францияга ташриф буюриши олдидан Франция президенти янги ҳарбий ёрдамнинг бошланғич тафсилотларини очиқлаган.
Париждаги ҳукумат раҳбари Mirage 2000 самолётлари қанча миқдорда ва қандай етказиб берилиши ҳақидаги саволларни очиқ қолдирган. Президент ҳарбий техникалар қандай молиявий шартлар асосида тақдим этилишини ҳам маълум қилмаган.
Манбада айтилишича, Франция шу йилнинг ёзида Парижда украиналик учувчиларни ўқитишни бошлайди. Улар учун махсус ўқув зонаси ташкил этилади.
Франция Украина расмийларига мурожаат йўллаб, 4500 нафар украин аскарини тайёрлашни таклиф қилган. Аскарлар қаерда ўқитилиши ҳақида ҳозирча маълумот берилмаган.
Маълумот ўрнида, Mirage 2000 кўп функцияли, бир двигателли реактив қирувчи самолётдир. Ушбу самолётлари Украина ҳарбий-ҳаво кучлари сафига Франция томонидан келаси йилнинг январь ойида етказиб берилиши ҳақида хабар қилинган.
Изоҳ (0)