Ғарб давлатлари расмийлари ва уларнинг эксперт ҳамжамияти Россия гибрид ҳаракатларига жавоб беришнинг учта усулини кўриб чиқмоқда. Бу ҳақда Financial Times (FТ) хабар берди.
Россия қўрқув уйғотиш ва ҳаётимизни барбод қилиш йўлларини топиш учун ўзининг қудратли эканлигини ва жамиятларимизда бузилишларга олиб келиши мумкинлигини кўрсатишга ҳаракат қилмоқда, — деди Латвия президенти Эдгарс Ринкевичс FT’га берган интервьюсида.
Унинг сўзларига кўра, қийинчилик бундай ҳаракатларни тўғридан тўғри тажовуз сифатида квалификация қилиш ва ўзаро мудофаа ёрдами тўғрисидаги Шимолий Атлантика шартномасининг 5-моддасини кучга киритиш мумкин эмаслигида.
Биз кичик бир ҳодиса туфайли Россияга ракеталарни учирмаймиз, — дея қўшимча қилган Латвия раҳбари.
FT’га кўра, НАТО давлатлари ҳозирда Россияга нисбатан уч турдаги жавоб чораларини кўриб чиқмоқда:
- Биринчи қадам — гибрид ҳужумлар содир бўлаётганини тан олиш ва уларни оммага ошкор қилиш.
- Иккинчи қадам — муҳим инфратузилмани мустаҳкамлаш, ахборот тизимларини киберҳужумлардан ҳимоя қилиш ва аҳолини дезинформацион кампаниялар хавфи ҳақида хабардор қилиш.
- Учинчи қадам — Россияга қарши жавоб чоралари. Масалан, Чехия узоқ вақтдан бери россиялик дипломатларнинг ҳаракатланишини чеклаш учун кампания олиб бормоқда.
Изоҳ (0)