“Уддалаб бўлмас топшириқ” франшизаси юлдузи Том Круз ҳар томонлама истеъдодли актёрдир. У мураккаб трюкларни маҳорат билан бажаради, вертолётни бошқара олади ва ўта ҳазилкаш характерга эга. Ёш актёр Глен Пауэлл GQ нашрига берган интервьюсида ҳамкасби ҳақида сўзлаб берди.
Актёрлар “Топ Ган: Мэверик” фильмининг сўнгги қисмини суратга олиш вақтида танишди ва дўст тутинди. Том Круз Гленга кўп нарсаларни ўргатди, кино оламида мураббийлик қилди. Пауэлл ҳамкорлик ҳақидаги таассуротлари билан бўлишди.
“Том Круз билан ўртамизда ажойиб боғлиқлик бор: иккимиз ҳам кино саноатига ўзгача меҳр қўйган ашаддий актёрлармиз. Мен маълум лойиҳанинг ҳар бир тафсилотини биладиган актёрни биринчи марта кўришим. У сценарийни ипидан игнасигача билар, барча иштирокчилар билан илиқ мулоқот қилар, ҳамкасбларга жуда дўстона ва ҳурмат билан муносабатда бўлар эди”.
Экстремал спорт ихлосманди Том Крузнинг ҳазиллари эса алоҳида эътиборга лойиқ. Бир куни у Гленни вертолётда шаҳар четидаги суратга олиш майдонидан Лондонгача элтиб қўйишни таклиф қилди. Ким бундай имкониятни қўлдан бой беради дейсиз?
Аммо Пауэлл қайтиб Том бошқарадиган вертолётга чиқмаса керак. Парвоз вақтида Круз:
“Йўқ, йўқ! дея бақирди ва вертолётни пастлата бошлайди. Мен қўрқиб кетган эдим: “Наҳотки мен машҳур актёр билан Лондон марказига етиб бормай вертолётда ҳалок бўлган номаълум шахс бўлиб қолсам?”
— дея актёр кулгили воқеа тафсилотлари билан ўртоқлашди.
Изоҳ (0)