Миллий масс-медиани қўллаб-қувватлаш ва ривожлантириш жамоат фонди Васийлик кенгашининг ташкилий масалаларга бағишланган йиғилиши бўлиб ўтди. Бу ҳақда фонд матбуот хизмати хабар берди.
Йиғилишда Васийлик кенгаши раиси лавозимига Фонд директори сифатида ишлаб келаётган Акрамжон Фозиловнинг номзоди кўриб чиқилди ва маъқулланди.
Журналистика ва коммуникация соҳасида тажрибага эга Жаҳонгир Азимов Масс-медиа фонди директори этиб тайинланди.
Жаҳонгир Азимов 1992 йилда Тошкент шаҳрида туғилган. 2016 йилда Жаҳон иқтисодиёти ва дипломатия университетини, 2022 йилда Алабама университетида ижодий журналистика бўйича магистратурани тамомлаган.
Ўқишни тамомлагач, БМТнинг Ўзбекистондаги доимий координатори идорасида иш бошлаган. 2017 йилда у Ўзбекистондаги биринчи TEDx, TEDxMustaqillikSquare конференциялари ташкилотчиси бўлди. Шундан сўнг Voice оf Tashkent’да мустақил муаллиф бўлган, сўнгра Ўзбекистон Ташқи ишлар вазирлигининг “Дунё” ахборот агентлигида (2018−2020 йилларда) ишлаган.
Изоҳ (0)