Ижтимоий тармоқларда Мирзо Улуғбек туманидаги 512-сонли мактабгача таълим ташкилотида “Боғча тарбиячисининг асаби жойида эмас экан” сарлавҳали видеолаҳва тарқалганди. Ҳолат юзасидан Тошкент шаҳар мактабгача ва мактаб таълими бошқармаси маълумот берди.
Унга кўра, видеолавҳадаги ҳолат 2024 йил 30 апрель куни Мирзо Улуғбек туманидаги 512-сонли давлат мактабгача таълим ташкилотида содир бўлган. Видео тарбиячининг ўзи томонидан ота-оналар Telegram гуруҳига кутилмаган ҳолда юборилган.
Ушбу ҳолат мазкур таълим муассасаси маъмурияти томонидан тарбиячи-ходимлар ҳамда ота-оналари иштирокида муҳокама қилинган. Тарбиячига нисбатан меҳнат қонунчилигида белгиланган тартибда интизомий жазо чораси қўлланган.
Изоҳ (0)