23 май куни Жўқорғи Кенгес “Реклама тўғрисида”ги қонунга ўзгартишлар киритиш ҳақида”ги қонун лойиҳасини кўриб чиқди ва иккинчи ўқишда қабул қилди. Бу ҳақда Жўқорғи Кенгесга таяниб, Akipress хабар берди.
Қонун лойиҳаси ахборот майдонида сохта хизматларни реклама қилишни тақиқлайди.
Ташаббусчилардан бири депутат Марлен Маматалиев қонун лойиҳаси фуқаролар онгини ўз манфаати йўлида муайян муаммоларни ҳал қилишни таклиф қилувчи оккултизм, сеҳрли ва бошқа ишончсиз усуллар орқали хизматлар кўрсатишда манипуляция қилишни истисно этиш мақсадида ишлаб чиқилганини таъкидлаган.
“Реклама тўғрисида”ги қонуннинг 16-моддасига кўра, айрим турдаги товарларни реклама қилишнинг ўзига хос хусусиятлари тўғрисидаги тушунчалар мавжуд бўлиб, бу Жиноят кодексига мувофиқ жавобгарликка олиб келади.
Киритилган қўшимчалар юқоридаги хизматларни кўрсатиш тушунчаларини аниқ ажратиб кўрсатиш имконини беради, яъни ахборот майдонида виждонсиз фуқароларнинг фирибгарлик ҳаракатларини реклама қилишни тақиқлаш жорий этилади, — дейди депутат.
Қонунга киритилган тузатишлар илмий асосланган усулларга тааллуқли эмас. Маданият вазири ўринбосари Чингиз Эсенгул ўғлининг айтишича, биринчи босқичда рекламани тақиқлаш фақат қора сеҳрга тегишли бўлади.
Изоҳ (0)