Германия, Франция ва Польша Россиянинг гибрид таҳдидлари олдида умумий Европа хавфсизлик сиёсатининг етакчиси сифатида ҳар қачонгидан ҳам кучлироқ бўлишни хоҳлайди, дея Deutsche Welle хабар берди.
Германия ташқи ишлар вазири Анналена Бербок француз ва полшалик ҳамкасблари Стефан Сежурне ва Радослав Сикорский билан Веймар учбурчаги форматидаги учрашувидан сўнг энди ташқи сиёсатни автопилотда олиб боришни ўзига эп кўрмаслигини таъкидлади.
Шунинг учун биз, Веймар учбурчаги, ўзимизни Европа Иттифоқи сифатида тўғри жойлаштириш ва геосиёсий жиҳатдан янада қобилиятли бўлиш учун ҳаракатлантирувчи куч бўлишни хоҳлаймиз, — дея қўшимча қилган у.
Шу билан бирга уч нафар вазир европаликларни Европа Иттифоқидаги демократияни ҳимоя қилишга чақирган. Унинг таъкидлашича, бугунги кучли ва барқарор Европа демократияси ҳам бахт, ҳам аввалги авлодларнинг хизматларидир. Германиялик вазир демократия осмондан тушмагани, керак бўлса ҳимояга муҳтожлигини айтган.
Кўряпмизки, Европа Иттифоқи ҳозирда ташқаридан ҳам, ичкаридан ҳам ҳужумга учрамоқда. Европа сайловлари арафасида дезинформацион кампаниялар Европа демократиясининг юрагига ҳужум қилиш ниятида, — дейди Бербок.
Веймар учбурчаги формати
Веймар учбурчаги 1991 йилда Германия ҳукумати ташаббуси билан ташкил этилган. Дастлаб, форматнинг мақсади Польша ва бошқа Шарқий Европа давлатларини Европа Иттифоқи ва НАТОга яқинлаштириш бўлган. Йиллар давомида бу вазифанинг долзарблиги камайган, аммо мазкур форматдаги гуруҳ Россия—Украина урушидан кейин тез-тез учраша бошлаган.
Изоҳ (0)