“Ҳаж-2024” дастури доирасида Uzbekistan Airways авиакомпаниясининг Тошкент—Мадина йўналишидаги биринчи авиақатнови Тошкент вақти билан соат 01:40 да жўнаб кетди. Бу ҳақда авиакомпания матбуот хизмати хабар берди.
![](/static/2024/Fozilbek/photo_2024-05-22_23-31-59.jpg)
Ўзбекистон шаҳарларидан Мадина шаҳрига жами 124 та чартер авиақатнови амалга оширилади.
Ўзбекистонда ҳаж мавсуми 2024 йил 23 майдан бошланди. Республикадан Саудия Арабистонига 7 июнга қадар ҳар куни авиақатновлар амалга оширилади. Ўзбекистон фуқаролари учун умумий ҳаж квотаси 15 минг нафар этиб белгиланди.
![](/static/2024/Fozilbek/photo_2024-05-22_23-32-01.jpg)
Республика аэропортларида рўйхатдан ўтиш вақтида йўловчилар иссиқ нонушта билан таъминланади. Парвоз давомида эса Ўзбекистон Мусулмонлари идораси талабларини инобатга олган ҳолда тайёрланган махсус таомлар тарқатилади.