“ЦСКА” клуби ярим ҳимоячиси Аббосбек Файзуллаев Владимир Федотов бошқарувидаги жамоасининг жорий мавсумдаги натижаларини сарҳисоб қилди.
Бир сўз билан айтганда, “ЦСКА” учун мавсум? Ўртача. Афсуски, клуб Россия кубоги суперфиналига чиқа олмади. Мавсумни соврин билан якунлашни хоҳлагандик. “Зенит”га пенальтилар сериясида мағлуб бўлганимиз хафа қилади, лекин бу лотерея”, — дея Файзуллаевнинг сўзларини келтиради Sport24 сайти.
Маълумот учун, Россия Премьер Лигасининг 2023—2024 йилги мавсуми 29-туридан сўнг “ЦСКА” 45 очко жамғариб, турнир жадвалида олтинчи ўринда бормоқда. Файзуллаев 2023 йилнинг ёзидан бери Россия жамоасида тўп сурмоқда. Жорий мавсумда ярим ҳимоячи барча мусобақаларда 31 та ўйин ўтказиб, 5 та гол урди ва 13 та голли узатмани амалга оширди.
Ўзбекистонлик футболчининг “ЦСКА” билан амалдаги шартномаси 2026 йилнинг ёзига қадар тузилган ва шартномани 12 ойга узайтириш имконияти мавжуд.
Нуфузли Transfermarkt онлайн портали Аббосбекнинг бозор қийматини 5 миллион еврога баҳолаган.
Изоҳ (0)