Тошкент вилояти Қибрай туманида маиший чиқинди полигони қурилади. Бунинг учун “Май” маҳалласи ҳудудидаги қишлоқ хўжалигига мўлжалланмаган 6 гектар ер майдони ажратилади. Вилоят ҳокими бу борадаги тегишли қарорни имзолади.
Қайд этилишича, ҳудудда жойлашган муҳандислик тармоқларини кўчириш ёки муҳофаза ҳудудини сақлаб қолиш амалга оширилади.
Буюртмачи:
- давлат хизматлари маркази орқали архитектура режалаштириш топшриғи ишлаб чиқиш учун буюртмалар беради ҳамда лойиҳа-смета ҳужжатлари тайёрлаш учун лицензияга эга лойиҳа ташкилоти билан ўрнатилган тартибда шартнома тузади;
- лойиҳалаш учун ер ости муҳандислик иншоотларининг ижро сурати туширилган 1:500 нисбатдаги топографик харита ва геологик хулоса ишлаб чиқиш учун лицензияга эга корхонага буюртма беради;
- қурилиш соҳасида ҳудудий назорат инспекциясига хабарнома юборади;
- мазкур ҳудудда жойлашган муҳандислик тармоқларини кўчириш ёки муҳофаза ҳудудини сақлаб қолиш ишларини ўз маблағлари ҳисобидан амалга оширилиши инобатга олинади.
Ажратилган ер майдонидаги маиший чиқинди полигонида санитария-экология, ёнғин хавфсизлиги талабларига риоя этилиши, белгиланган муддатда рекултивация қилиб фаолиятини тугатиши белгиланган.
Эслатиб ўтамиз, 2023 йил июль ойида Оҳангаронда йил охиригача Марказий Осиёда ягона бўлган 15 миллион долларлик чиқинди полигони қурилиши тўғрисида хабар берилганди.
Изоҳ (0)