Келгуси бир неча ҳафта Украина учун ҳал қилувчи бўлади — Тimes

Келгуси бир неча ҳафта Украина учун ҳал қилувчи бўлади, дея Харьков вилоятидаги вазият фонида Тimes нашри хабар берди.

Нашр Ғарб ёрдами вазиятни ўзгартириш учун ўз вақтида етиб бориши мумкинлиги ҳақида тахмин қилган.

Кейинги бир неча ҳафта Украина учун ҳал қилувчи аҳамиятга эга бўлади. Байден томонидан қабул қилинган ҳарбий ёрдам лойиҳасида кўзда тутилган Ғарб артиллерия ўқ-дорилари ўзгаришлар қилиш учун ўз вақтида етиб бора оладими? Украинага яқинроқ бўлган Европа давлатлари тайёр бўладими, — деб ёзади нашр.

Тhe Times шунингдек, F-16 қирувчи самолётларининг Украинага келишига “ойлар” қолганини таъкидлаган.

Буларнинг барчаси Украина пиёда қўшинлари орасида йўқотишларнинг кўпайишига олиб келди ва ишчи кучини тобора қимматли манбага айлантирди, — дея қўшимча қилган нашр.

Аввалроқ Зеленский Украина Қуролли кучларининг Харьков вилоятидаги, хусусан, Волчанскдаги аҳволини ўта оғир деб атаганди. Украина армияси Харьков йўналишидаги мураккаб операцион вазиятни тан олган ва Россия қўшинларининг тактик муваффақиятини қайд этган.