Кай Ҳаверц “Манчестер сити” билан баҳсда “Тоттенҳэм” жамоасини қўллашини айтди

“Арсенал” ярим ҳимоячиси Кай Хаверц АПЛнинг 37-турида “Манчестер Юнайтед” устидан қозонилган ғалаба (1:0) ҳақида фикр билдирди.

“Биз ўйинга жуда яхши тайёргарлик кўрдик. Ўзимизнинг энг яхши ўйинимизни кўрсата олмадик. Бизга уч очко керак эди ва биз уларга эришдик, шунинг учун хурсанд бўлишимиз мумкин.

Биз ҳар бир ўйинда ғалаба қозонишимиз керак, чунки “Сити” доимо босим ўтказа олади. Сиз ҳар ҳафта бор кучингиз билан ўйнашингиз керак. Бундай ҳаракатлар сизга завқ беради.

14 май куни “Манчестер Сити”га қарши ўйинда “Тоттенҳэм”нинг энг катта мухлиси бўламан. Келинг, энг яхшисига умид қилайлик”, — деб Ҳаверц сўзларини келтиради Sky Sports.

“Арсенал” Англия чемпионатида 37 ўйинда 86 очко тўплаган. Лондон клуби турнир жадвалида биринчи ўринга қайтди ва “Манчестер Сити” билан чемпионлик учун курашни давом эттирмоқда. Манчестер клуби бир учрашув кам ўтказиб, 85 очко тўплашга муваффақ бўлган. 

АПЛнинг қолдирилган 34-тур баҳсида “Манчестер сити” 14 май куни “Тоттенҳэм” билан баҳс олиб боради.