Дарвозабон Жанлуижжи Доннарумма “ПСЖ” билан янги шартнома имзолаши мумкин, деб хабар бермоқда журналист Жанлука Ди Марсио.
Манбага кўра, 2023—2024 йилги мавсум якунида футболчи ва клуб келгусидаги ҳамкорлик шартларини муҳокама қилади. Таъкидланишича, италиялик футболчи “ПСЖ” сардори бўлиш ниятида.
Доннарумма 2021 йилнинг июлида эркин агент сифатида “Милан”дан “ПСЖ”га ўтган. Футболчининг клуб билан шартномаси 2026 йилнинг ёзига қадар мўлжалланган. Transfermarkt 25 ёшли дарвозабонни 40 миллион еврога баҳоламоқда.
Жорий мавсумда у 40 та ўйин ўтказди, шулардан 16 тасида дарвозаси дахлсизлигини сақлаб қолди, қолган ўйинларда эса 36 та гол ўтказиб юборди.
Клуб билан биргаликда Доннарумма уч бора Франция чемпионлиги ва икки марта Франция Суперкубогини қўлга киритди.
Изоҳ (0)