Марказий Осиё давлатларига ташқи кучлар томонидан босимлар давом этмоқда. Бу ҳақда Ўзбекистон президенти ҳузуридаги Хавфсизлик кенгаши котиби Виктор Маҳмудов хавфсизлик масалалари бўйича олий вакилларнинг XII халқаро йиғилишида гапирди, деб хабар беради “ТАСС”.
Ўзбекистон Марказий Осиё минтақасига ташқи сиёсатнинг устувор йўналиши сифатида қарайди ва бу минтақада тинчлик, хавфсизлик ва ишонч маконини ўрнатиш бўйича фаол саъй-ҳаракатларни амалга оширмоқда. Бугунги кунда, афсуски, минтақа давлатлари Марказий Осиё мамлакатларининг миллий манфаатларини ҳисобга олмасдан, танлашга ундаётган ташқи кучлар босимини бошдан кечиришда давом этмоқда, — дейди Маҳмудов.
Хавфсизлик масалалари бўйича олий вакилларнинг XII халқаро йиғилиши Санкт-Петербургдаги “Экспофорум”да бўлиб ўтмоқда.
Эслатиб ўтамиз, Қорақалпоғистоннинг Нукус шаҳридаги конституцион ислоҳотлардан норози бўлган фуқароларнинг ноқонуний намойишлари бўлиб ўтди. Жўқорғи Кенгеснинг маълум қилишича, ахборот хуружлари ва рўй бераётган воқеаларни қасддан бузиб кўрсатиш орқали таъсир қилишга уринишлар қайд этилган.
Кейинроқ президент Ўзбекистондаги вазиятни беқарор этиш ва издан чиқаришга уриниш ҳолатлари ҳақида гапирган эди. “Уларнинг асосий мақсади жамиятни пароканда қилиш, давлатимиз томонидан олиб борилаётган бунёдкорлик сиёсатига бўлган ишончни сусайтириш, Ўзбекистоннинг ҳудудий яхлитлигига путур етказишдан иборат”, — деганди давлат раҳбари.
Изоҳ (0)