Тармоқларда Андижон вилояти Ички ишлар бошқармаси томонидан 472 миллион сўмга Equinox - АТ 3LT харид қилиш учун тузилган шартнома сурати тарқалган эди. Ҳолат юзасидан Коррупцияга қарши курашиш агентлиги ахборот хизмати “Дарё”га изоҳ берди.
Унга кўра, Вазирлар Маҳкамасининг 2021 йил 29 апрелдаги “Давлат бошқаруви ва маҳаллий давлат ҳокимияти органларида хизмат автотранспорт воситларидан фойдаланиш тизимини тубдан такомиллаштириш чора-тадбирлари тўғрисида”ги 258-сон қарорининг 1-иловаси билан давлат бошқаруви ва маҳаллий давлат ҳокимияти органларида хизмат автотранспорт воситаларини бириктириш меъёрлари белгиланган.
Бироқ Қорақалпоғистон Республикаси, вилоятлар ва Тошкент шаҳар ички ишлар бошқармаларига хизмат автотранспорт воситаларини бириктириш меъёрлари кўрсатилмаган бўлиб, амалдаги қонунчиликда мазкур масала аниқ тартибга солинмаган, — дейилади агентлик ахборотида.
Маълумот учун, Вазирлар Маҳкамасининг 2021 йил 29 апрелдаги 258-сон қарорида давлат бошқаруви органларининг Қорақалпоғистон Республикаси, вилоятлар, Тошкент шаҳар бўлинмалари раҳбарларига сотиб олишга рухсат этилган хизмат автотранспортининг энг юқори нархи БҲМнинг 700 баробари (238 миллион сўм) этиб белгиланган.
Изоҳ (0)