Атиргул суви асрлар давомида терини парвариш қилишда ишлатилган табиий косметика ҳисобланади. Қадимги шарқ мамлакатларида атиргул мойи гўзаллик эликсири ҳисобланган. Йиллар ўтиб атиргул суви ва мойидан фойдаланиш ҳали ҳам актуал бўлиб қолмоқда.
Атиргул сувининг фойдали томонлари
Қазғоқни унутасиз
Атиргул суви тинчлантирувчи табиий восита ҳисобланади, қазғоқ эса терининг яллиғланиши, қичишидан келиб чиқади. Ҳар куни бош терисига атиргул сувини сурцангиз, тез орада қазғоқдан халос бўласиз.
Сочлар узоқ муддатга тоза сақланади
Атиргул суви бош терисининг ёғланишини камайтиради ва намлантиради. Ҳар куни суртилган атиргул экстрактлари сочларингиз узоқ муддат тоза туришини таъминлайди.
Сочларга жило беради
Сифатли атиргул суви сочларни ялтиратади ва хушбўй ҳид таратади. Атиргул сувини сочнинг илдизидан учларигача суртиш мумкин.
Дерматитдан халос этади
Атиргул мойи дерматит ва экзема каби тери касалликларида ҳам самара беради.
Атиргул мойидан қандай фойдаланиш мумкин?
-zOSSJcJP.jpeg)
- Ювилган ва тоза сочларга атиргул сувини сепинг ва ювиб ташламасдан сочларни қуритинг;
- Атиргул мойини шампун, кондиционер каби соч тозалаш воситалари ичига қўшинг;
- Сочлар учига суртилган атиргул мойи чигалликдан ва гуллашдан сақлайди.
Атиргул сувини тайёрлаш усуллари
1-усул — Қайнатиш
3 дона органик жиҳатдан тоза атиргулларни бандидан ажратинг ва идишга солиб, устидан тоза сув қуйинг. Атиргуллар кимёвий ишловларсиз ўстирилган бўлиши шарт, йўқса уларнинг таркибидаги пестицидлар ва зарарли моддалар терига сингиб кетади. Сўнг баргларнинг ранги йўқолгунча паст оловда 35 дақиқа қайнатиб олинг. Совитилган ҳолда сочларга ишлатинг.
2-усул — Ёғлар аралашмаси
Бу энг осон ва озгина қиммат усулдир. 12 томчи атиргул мойи ва бир томчи бошқа бирор фойдали ёғ (кокос, бодом, кунжут)ни аралаштиринг ва уни бир стакан тоза сувга қўшинг. Аралашмани ниқоб сфатида ишлатиш мумкин.
Изоҳ (0)