Душанбега ташриф чоғида Шавкат Мирзиёев Эмомали Раҳмон билан биргаликда пойтахт Экспо марказида ташкил этилган Ўзбекистон саноат кўргазмасига ташриф буюрди. Бу ҳақда Ўзбекистон президенти матбуот хизмати хабар берди.
Етакчилар “Made in Uzbekistan” бренди остида ташкил этилган павильон билан танишди.
Унда Ўзбекистон автомобилсозлигининг юқори технологик маҳсулотлари, электр ва қишлоқ хўжалиги техникаси, тайёр озиқ-овқат маҳсулотлари, кимё, тўқимачилик, фармацевтика ва бошқа саноат тармоқларининг товарлари намойиш этилган.
Давлат раҳбарлари етакчи корхоналар кооперациясини кенгайтириш, ўзаро тажриба ва технологиялар билан алмашиш зарурлигини таъкидлади.
Изоҳ (0)