Турк кино саноатининг ёрқин жуфтлиги Бурак Ўзчивит ва Фаҳрие Эвженнинг турмуши ҳамжиҳатлик ва бахт намунасидир. Улар 2017 йилда турмуш қурган ва ҳозирда икки нафар фарзанди — Каран ва Керем исмли ўғиллари тарбияси билан машғул.
13 апрель куни машҳурлар оиласи тўнғич фарзандининг 5 ёшга тўлгани муносабати билан “Трансформерлар” фильмига монанд декорация ва байрам дастури ташкил қилди. Ажойиб аниматорлар эса виллага тўпланган меҳмон ва болаларга кўтаринки кайфият улашди.
-LKGzA62w.jpg)
“Трансформерлар” кинокомикси услубида ишланган фото зонасида оиланинг барча аъзолари эсдалик учун суратга тушишди. Дарҳақиқат, таклиф этилган аниматорлар ҳам байрам дастурига мос бўлган роботлар кўринишида намоён бўлди.
Туғилган кунда болалар турли ўйингоҳлар, совун пуфакчалари шоуси ҳамда бир неча қаватли тортдан баҳраманд бўлишди. Дастурхонга тортилган ширинликлар ҳам, улкан торт ҳам “Трансформерлар” киноси асосида махсус тайёрланган эди.
-jARqveQf.jpg)
Бурак ва Фаҳрие Instagramъдаги саҳифаларида байрамдан фото ва видеорепортажлар билан бўлишди. Ўзчивит расмларга “Таваллуд айёминг билан, ўғлим! — дея изоҳ қолдирди. Обуначилар севимли актёрини ушбу қувончли кун билан табриклаб, минглаб изоҳлар қолдирди.
Дарвоқе, январь ойида машҳурлар оиласи кенжа фарзандининг илк туғилган кунини ҳам катта байрам сифатида нишонлаган эди.
Изоҳ (0)