Сурхондарёда икки киши бедарак йўқолди. Уларни топганга 10 млн сўмдан ваъда қилинмоқда

Сурхондарё вилояти Ички ишлар бошқармаси бедарак йўқолган икки фуқарони қидирувга берди.

Қайд этилишича, Шўрчи тумани “Оққўрғон” маҳалласида яшовчи, 1960 йил туғилган Баҳодир Менгзияев 8 апрель куни яшаш манзилидан номаълум томонга чиқиб кетиб, бедарак йўқолган.

Шунингдек, Жарқўрғон тумани “Қўштепа” маҳалласида яшовчи, 1973 йил туғилган Мавжуда Хабиева  6 апрель куни яшаш манзилидан номаълум томонга чиқиб кетиб, бедарак йўқолган.

Ушбу шахсларнинг топилишида кўмаклашган фуқаролар 10 миллион сўмдан пул маблағи билан мукофотланади ҳамда хабар берганларнинг шахсига оид маълумотлар сир сақланиши кафолатланади.

Қидирувдаги шахслар ҳақида маълумотга эга бўлган фуқаролардан қуйидаги телефон рақамларига мурожаат қилишлари сўралади: 102, +998(91)511-75-92,  +998(91)575-01-01, (76)43-21-002,  (88)844-91-95, (97)554-77-17.

Март ўрталарида Фарғонада бедарак йўқолган 18 ёшли икки қиз ҳамон қидирилаётгани тўғрисида хабар берилганди.