Туркия ҳарбийлари Сурия шимолида 3 нафар террорчини йўқ қилди

Туркия ҳарбийлари Сурия шимолида махсус амалиёт ўтказиб, 3 нафар террорчини йўқ қилди. Бу ҳақда Anadolu нашри хабар берди.

Хабарда айтилишича, йўқ қилинган террорчилар Курдистон ишчи партиясига алоқадор бўлган. Террорчилар Сурия шимолида “Фурот қалқони” операцияси доирасида нишонга олинган.

Миллий Мудофаа вазирлиги турк қуролли кучларининг Сурия шимолида Курдистон ишчи партияси террорчиларига қарши амалиётлари давом этаётганини маълум қилган.

Курдистон ишчи партияси Туркияга қарши 40 йиллик террор кампанияси давомида 40 минг нафардан ортиқ киши, жумладан аёллар, болалар ва гўдаклар ўлимига сабабчи бўлган. Туркия, АҚШ ва Европа Иттифоқи томонидан ушбу партия террорчи ташкилотлар рўйхатига киритилган.

Туркия ҳукумати 2016 йилдан бери Сурия шимолида террорчилар коридорининг шаклланишига йўл қўймаслик ва аҳолининг тинч йўл билан ҳудудларга қайта жойлашишини таъминлаш мақсадида ўз чегараси бўйлаб аксилтеррор операцияларини амалга ошириб келади. Ҳозирга қадар “Фурот қалқони” (2016), “Zaytun новдаси” (2018) ва “Тинчлик баҳори” (2019) операциялари муваффақиятга эришган.