Эроннинг юқори даражали қўмондонлари Исроил ҳужумларга жавоб қайтарса, мамлакат каттароқ ҳужумга дучор бўлишидан огоҳлантирди ва Вашингтон ҳеч қандай ҳарбий ҳаракатни қўллаб-қувватламаслиги кераклигини қўшимча қилди. Бу ҳақда Reuters хабар берди.
Агар Исроил Эронга қарши жавоб қайтарса, бизнинг жавобимиз бугун тунги ҳарбий ҳаракатлардан кўра каттароқ бўлади,— деди қуролли кучлар бош штаб бошлиғи генерал майор Муҳаммад Багирий.
Шунингдек, Багирий Исроилнинг қарши жавоби АҚШ базалари нишонга олинишига сабаб бўлиши ҳақида Вашингтонни огоҳлантирган.
Ислом инқилоби қўриқчилари корпуси қўмондони Ҳусайн Саламий ҳам Теҳрон Исроилнинг ўз манфаатлари, расмийлари ёки фуқароларига қарши ҳар қандай ҳужумига жавоб қайтариши ҳақида огоҳлантирган.
Эрон ҳужумидан сўнг, Исроил деярли зарар кўрмагани ва ҳаво ҳудудини қайта очганлиги ҳақида хабар берган, Қўшма Штатлар йирик давлатлар билан дипломатик жавоб чораларини муҳокама қилишини айтган.
Исроил бош вазири Биньямин Нетаньяху, ҳарбийлар Эрон томонидан Яқин Шарқдаги можаронинг кескин кучайиши натижасида учирилган деярли барча 300 дан ортиқ дрон ва ракеталарни уриб туширганини айтганидан сўнг, мамлакати ғалаба қозонишга ваъда берган.
Исроил расмийлари мамлакат армияси Эрон дронлари ва ракеталарининг 99 фоиздан ортиғини уриб туширганини ва кейинги вариантларни муҳокама қилаётганини айтган.
Изоҳ (0)