Саудия Арабистонида ўйиндан сўнг мухлислардан бири “Ал-Иттиҳод” футболчисини қамчи билан урди (видео)

Футбол бўйича Саудия Арабистони суперкубоги финал баҳсида “Ал-Ҳилол” устидан йирик ҳисобда ғалаба қозониб, ўз тарихида 4-бор ушбу турнир ғолиблигини қўлга киритди. 

Ижтимоий тармоқларда ўйин якунланганидан кейин олинган видео пайдо бўлди. Унда мағлубиятга учраган жамоа ҳужумчиси Абдураззоқ Ҳамидуллоҳ шоҳсупага яқинлашиб, мухлислардан бирига сув сепгани кўрсатилган. Атлетик журналисти Колин Миллар, томошабин дастлаб Ҳамидуллоҳни ҳақорат қилганини ёзади.

Бунга жавобан томошабин футболчини қамчи билан икки марта савалаган. Ҳамидуллоҳ мухлисга жавоб қайтаришга уринган, бироқ стадион ходимлари уни бу ишдан қайтарган.

“Asharq al-Awsat” нашрининг ёзишича, футболчини урган мухлис қўлга олинган ва Абу-Даби полицияси ходимларига топширилган.

Ҳамидуллоҳ “Ал-Иттиҳод”нинг Саудия Арабистони чемпионатидаги энг яхши тўпурари ҳисобланади. У 22 учрашувда 18 та гол урган.