Замонавий дунёда уйқусизлик ҳақиқий эпидемияга айланиб улгурган: вақтида ухлашга ётмаслик, тунда гаджетлардан соатлаб фойдаланиш, кундалик стресс ва бошқа кўплаб омиллар доимий чарчоқ ва уйқучанликни келтириб чиқармоқда.
Бунга кун тартибини тўғрилаш ва режалаштириш ҳамда баъзи тетиклантирувчи маҳсулотлар ечим бўла олади. Тонгда уйғонгач қаҳва ичиш одати эса доим ҳам фойда беравермайди. Қуйида ўзингизни тетик ҳис этиш учун ёрдам берадиган маҳсулотлар билан танишамиз.
Лимонли сув
Тонгда лимон шарбати қўшилган илиқ сув тезроқ уйғонишингизга кўмак беради. Бунга лимон таркибидаги салбий ионлар сабабчи: ошқозонга лимон шарбати тушгач, организм тўлиқ уйғонади.
Банан
Ушбу тропик мева таркибида кўплаб калий моддаси ва турли микроэлементлар мавжудлиги боис банан энергетик ичимликларга қиёсланади. Шунингдек, банан жуда тўйимли маҳсулотлар сирасига киради ва газли ичимликлардан фарқли равишда меванинг зарарли хусусиятлари йўқдир.
Чиа уруғи
Чиа уруғини табиий йогурт ёки творогга қўшиб, нонуштага истеъмол қилинг. Ундаги оқсиллар, ёғлар ва клетчаткалар узоқ вақт давомида энергияга тўлиб юришингизга сабабчи бўлади. Шунингдек, антиоксидантлар ва омега кислоталарга бой чиа уруғи қондаги қанд ва холестерин даражасини пасайтиради.
Изоҳ (0)