Ўзбекистон 2024 йилнинг январь—февраль ойларида хорижий давлатлардан қиймати 697,2 минг долларга тенг бўлган 81,4 тонна қаҳва импорт қилган. Бу ҳақда Статистика агентлиги маълумот берди.
Маълум қилинишича, қаҳва импорти 2023 йилнинг мос даври билан солиштирилганда 21,8 тоннага камайган. Ўзбекистон 2024 йилнинг январь—февраль ойларида 16 та давлатдан қаҳва харид қилган.
2024 йилнинг дастлабки 2 ойида Ўзбекистон энг кўп қаҳва импорт қилган давлатлар:
- Италия — 27,8 тонна;
- Германия — 15,2 тонна;
- Польша — 8,8 тонна;
- Россия — 7,4 тонна;
- Буюк Британия — 4 тонна;
- Бразилия — 2 тонна.
Изоҳ (0)