“Динамо” Загреб Лука Модрични ўзгача услубда клубга чорлади (фото)

Загребнинг “Динамо” жамоаси Лука Модрич фаолиятини Хорватияда якунлашини хоҳламоқда.

Загреб клуби президенти Велимир Заец Marca нашрининг бир саҳифасини сотиб олди ва унда “Реал” ярим ҳимоячисини ўз ватанига қайтишга чорлади.

Махсус саҳифада “Динамо” либоси ва унда 10-рақамли Модричнинг исми туширилган. Суратга яна ҳештег билан “бу мантиқли бўларди” деган ёзув ҳам илова қилинган.

38 ёшли Луканинг “Реал” билан амалдаги шартномаси жорий мавсум якунида ўз ниҳоясига етади.

Модрич фаолиятини “Динамо” Загреб жамоасида бошлаган. Ундан сўнг “Тоттенҳэм”да тўп сурган футболчи 2012 йилда эса “Реал” билан шартнома имзолаган. Шундан буён Модрич мадридликлар шарафини ҳимоя қилиб келмоқда.