Economist Intelligence Unit (EIU) таҳлилий гуруҳи бизнес юритиш учун энг яхши давлатлар рейтингини эълон қилди. Сингапур 16 марта биринчи ўринни қўлга киритди.
EIU тадқиқоти 82 та мамлакат ва ҳудудларда 91 та кўрсаткич, жумладан инфляция, яшаш нархи, иқтисодий ўсиш ва фискал сиёсат асосида олиб борилган. Сингапурнинг етакчи мавқейини белгилаб берган омиллар унинг сиёсий барқарорлиги ва ҳукуматнинг маҳаллий хусусий компанияларга технологик янгилашда ёрдам беришга қаратаётгани ҳисобланади.
Иккинчи ўринни Дания эгаллади, рейтинг тузувчилар мамлакатнинг транспорт ва рақамли инфратузилманинг юқори сифатини эътиборга олди. АҚШ ташқи савдо ва инвестициялар бўйича бир нечта чекловларни ҳисобга олган ҳолда қулай бозор имкониятлари яратгани туфайли кучли учликни ёпиб берди.
Кучлик ўнликка кирган давлатлар қуйидагилар:
- Сингапур
- Дания
- АҚШ
- Германия
- Швейцария
- Канада
- Швеция
- Янги Зеландия
- Гонконг
- Финляндия
Шу билан бирга, рейтингда ўз ўрнини сезиларли даражада яхшилаган мамлакат Греция бўлган – бунга ҳукумат томонидан олиб борилаётган ислоҳотлар ва бизнесга солиқ юкининг камайтирилгани ёрдам берган. Бундан ташқари, Аргентинада бизнес муҳити мамлакат президенти Хавьер Милейнинг хусусий тадбиркорликни рағбатлантириш ва хорижий сармояларни жалб қилишга қаратилган ташаббуслари туфайли сезиларли даражада яхшиланди.
Тадқиқотчилар Ҳиндистон, Ангола, Қатар, Кения, Доминикан Республикаси, Венесуэла, Литва ва Сербиянинг муваффақиятларини ҳам қайд этди.
Изоҳ (0)