Аввалроқ Жаҳонгир Ортиқхўжаев бизнесга ва аҳоли учун кенг кўламли лойиҳаларга (жумладан, Akfa ва Artel’га) инвестиция киритиш имкониятини берувчи Wayll инвестиция жамғармаси ташкил этилиши ҳақида эълон қилганди.
Wayll — йирик инвестисия жамғармаси, у Жаҳонгир Ортиқхўжаевнинг энг сердаромад корхоналарида (масалан, Akfa ва Artel), шунингдек Ўзбекистон иқтисодиётининг турли соҳаларидаги бошқа лойиҳаларда инвестор сифатида иштирок этишга эшик очади. “Tourism&Entertainment Group”ни бошқараётган ёш тадбиркор Рустам Абдувахитов Wayll раҳбари бўлади.
Wayll бизнесга ва аҳолига Ўзбекистоннинг энг яхши инвестлойиҳалари эшигини очадиган самарали воситага айланади. Ҳар бир лойиҳанинг тақрибан 30% маблағини бевосита Жаҳонгир Ортиқхўжаевга тегишли компанияларнинг улуши ташкил этади.
“Мен учун Wayll инвестисия жамғармасига раҳбарлик қилиш – катта шараф. Бу бозор ривожининг янги босқичи, бизнес ва инвесторлар учун мислсиз имкониятлар яратилиши демакдир. Авваллари одамлар кенг кўламли ташаббусларга маблағ киритмас эдилар, натижада пуллар ҳисобрақамда ёки нақд шаклда қолиб кетар эди ва ишламасди. Ҳолбуки, пуллар ишлаши ва даромад келтириши лозим. Биз лойиҳаларни танлашга синчковлик билан ёндашамиз, қарор қабул қилишда Жаҳонгир Обидовичнинг шахсан ўзи қатнашади, у Wайлл нинг ҳар бир лойиҳасига 30%га яқин маблағ киритади”, — деди Wayll инвестицион жамғармаси раҳбари Рустам Абдувахитов.
Wayll замонамизнинг энг истиқболли, ишга тушгач эса Ўзбекистоннинг ташриф қоғозига айланувчи ташаббусларни инвестисиялашга имкон беради. Жамғарма орқали иқтисодиётнинг турли тармоқлари: туризм ва HoReCa’дан то таълим ва ишлаб чиқаришгача маблағ киритиш мумкин бўлади.
Масалан, “Tourism&Entertainment Group”нинг барча бўлажак асосий лойиҳалари Wayll орқали ўтади.
Шу тариқа, яқин орада жисмоний ва юридик шахсларда қуйидаги лойиҳалардаги улушларни сотиб олиш имкони туғилади:
Тошкентда 20 гектар майдонга эга йил бўйи ишлайдиган улкан аквапарк;
Тошкент вилоятида капсулали меҳмонхона ва очиқ осмон остида оммавий тадбирлар ўтказиш учун зарур инфратузилмага эга “Фестиваллар водийси”.
Шериклик ҳуқуқи асосида
Изоҳ (0)