Forbes: Россиялик миллиардерлар сони 125 кишига етди

Forbes рейтингидаги россиялик миллиардерлар сони йил давомида 110 дан 125 кишига ошди.

Бу тарихдаги энг юқори натижа деб хабар бермоқда “ТАСС”. Рейтингдаги россияликлар сони бўйича аввалги рекорд 2021 йилда қайд этилган бўлиб, ўшанда уларнинг сони 123 нафарни ташкил қилган.

Forbes’нинг русча версиясига кўра, энг бадавлат россияликларнинг умумий бойлиги йил давомида 14 фоизга ошиб, 576,8 миллиард долларга етган.

Бу кўрсаткич 2021 йилнинг рекорд даражасидан паст бўлиб, 123 нафар россиялик миллиардернинг умумий капитали 606,2 миллиард долларга етган.

Россиялик ишбилармонлар орасида рўйхатнинг етакчиси “Лукойл” асосчиси Вагит Алекперов бўлди, унинг бойлиги йил давомида 28,6 миллиард долларгача ошди. Ундан кейинги ўринда “Новатек” раҳбари Леонид Михелсон бўлиб, унинг капитали 27,4 миллиард долларга баҳоланмоқда.

Учинчи ўринни Новолипецк металлургия комбинатининг асосий акциядори Владимир Лисин (26,6 миллиард доллар) эгаллади. Рейтингда кейинги ўринда “Северстал”нинг асосий акциядори ва компания директорлар кенгаши раиси Алексей Мордашов (25,5 миллиард доллар) жойлашган.

Бешинчи ўринни “Норилск Никeль” компанияси президенти Владимир Потанин (23,7 миллиард доллар) эгаллади.