Тошкентда ичимлик сувини режали ўчириш жадвали эълон қилиниши, ҳайвонот боғига кириш чипталари нархи оширилиши, Ўзбекистон тижорат банкларида 12 700 сўмдан ошган доллар курси – “Дарё” нашри бугун, 2 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Китоб туманига янги ҳоким тайинланди
Тайинловга қадар у Қашқадарё вилояти бандлик бош бошқармаси бошлиғи лавозимида ишлаган.
Спорт вазири ўринбосари Тошкент шаҳар ҳокимига ўринбосар бўлди
У меҳнат фаолиятини “Камолот” ёшлар ижтимоий ҳаракати Жиззах вилояти кенгашида бошлаган.
Ўзбекистон тижорат банкларида доллар курси 12 700 сўмдан ошди
Ушбу валютанинг сотув курси 12 650 — 12 710 сўм атрофида бўлиб турибди.
Шўрчи туманида электр токи узилиши сабаб ФҲДЁ бўлими уч кундан бери аҳолига хизмат кўрсатмаяпти. Муаммо яна бир ҳафта давом этиши айтилган
Вазиятни изоҳлаган вилоят Адлия бошқармасининг ОАВ бўйича масъули Бунёд Авазов бино электр токи таъминотидан узилганини тасдиқлади.
Наманганда раҳбар ва собиқ менежер корхонани қасддан банкротликка олиб келгани аниқланди
Улар савдодан тушган 6,7 млрд сўмни назорат касса машинасидан ўтказмаган.
Наманганда тўрт эгизак — икки ўғил ва икки қиз туғилди
Ёш оиланинг эгизаклардан ташқари бир нафар қиз фарзанди ҳам бор.
Ўзбекистонда февраль ойида қанча кешбэк тўлангани маълум бўлди
Умумий ҳисобда йил бошидан буён 62,6 млн чек учун кешбэк тўланган.
Ўзбекистонда иш ҳақи, пенсия ва нафақалар учун йиллик тўлов миқдори маълум қилинди
Ўтган йили иш ҳақи ва пенсия тўловлари миқдори сезиларли ортган.
Ўзбекистонда фискал тартиб-қоидаларни бузганлик учун жарима миқдорини кескин камайтириш кодексда мустаҳкамланади
Солиқ кодексининг 227-1-моддасига ўзгартириш киритиш тўғрисидаги қонун лойиҳаси депутатлар томонидан қабул қилиниб, Сенатга юборилди.
Тошкент ҳайвонот боғига кириш чипталари нархи 2 апрелдан оширилди
Боғ маъмурияти буни ҳайвонларни парваришлаш харажатлари ва коммунал хизматлар нархи ортгани билан изоҳлади.
Ўзбекистон Афғонистон учун темирйўл тарифини 50 фоизга пасайтирмоқчи
“Ўзбекистон темир йўллари” делегацияси Кобулга ташриф буюриб, “Толибон” билан музокара олиб борди.
Андижондаги метан заправка нархни сунъий оширгани учун газ таъминотидан узиб қўйилди
АГТКШ масъуллари огоҳлантирилганига қарамасдан, табиий газ нархини асоссиз оширгани аниқланган.
Тошкентда ичимлик сувини режали ўчириш жадвали эълон қилинди
Сувсиз қолган ҳудудларга махсус техникаларда сув етказиб берилади.
Бекободда ўз жонига қасд қилган 28 ёшли аёл воқеаси юзасидан жиноят иши қўзғатилди
Бекобод туман прокуратурасида аёлнинг ўлими юзасидан тергов ҳаракатлари олиб борилмоқда.
Қаршида мактаб ўқувчиси ўз жонига қасд қилди
Боланинг онаси ўғлининг ўлимида бирор-бир шахсга нисбатан даъво ва эътирози йўқлигини билдирган.
Ўзбекистонликларнинг 2023 йилдаги экологик ҳуқуқбузарлиги учун 32 миллиард сўмлик жарима тайинлангани маълум бўлди
АОКАда Экология вазирлиги ҳузуридаги Экологик экспертиза маркази масъуллари ва ОАВ вакиллари иштирокида матбуот анжумани ташкил этилди.
Депутатлар транспорт вазирига Тошкент—Самарқанд ва Тошкент—Фарғона автомобиль йўллари қурилиши юзасидан сўров юборди
Шунингдек, самарадорлиги паст бўлган ҳудудий аэропортларни ишончли бошқарувга бериш ишларига етарли даражада эътибор қаратилмаётгани айтилди.
Хориждаги Ўзбекистон фуқаролари масалаларини ҳал қилиш учун элчихоналарда 24 соат ишлайдиган Call-марказлар ташкил этилади
Шавкат Мирзиёевга миграцияни тартибга солиш ва меҳнат мигрантларини қўллаб-қувватлашга қаратилган таклифлар тақдимот қилинди.
Президент қишлоқларда қулай йўл-транспорт инфратузилмасини яратиш бўйича кўрсатма берди
Шавкат Мирзиёев автомобиль йўллари қурилишига оид режалар тақдимоти билан танишди.
Изоҳ (0)