Андижон вилояти Қўрғонтепа туманида 15 ёшли қиз бедарак йўқолди. Бу ҳақда вилоят ИИБ хабар берди.
Маълум қилинишича, Қўрғонтепа тумани, “Юксалиш” МФЙ, Тараққиёт кўчаси, 1-уйда яшовчи, 2009 йилда туғилган Шуҳратова Умида Рустамжон қизи шу йилнинг 16 март куни соат 09:00 ларда Қўрғонтепа тумани “Наврўз” МФЙ, Заробод кўчасида яшовчи катта бувисининг яшаш хонадонидан чиқиб кетиб, қайтиб келмасдан бедарак йўқолган.
Ушбу бедарак йўқолган шахс тўғрисида бирор маълумотга эга бўлганлардан зудлик билан 102 ишонч рақамига ёки Қўрғонтепа тумани ИИБнинг 74-723-12-02, 90-142-59-19, 93-584-82-02 телефон рақамларига хабар беришингиз сўралди.
“Умидахон, мени кўраётган бўлсангиз, уйга тезроқ қайтинг. Сизни ҳаммамиз яхши кўрамиз. Илтимос, тезроқ келинг”, — дея йиғлаб мурожаат қилган қизнинг бувиси.
Изоҳ (0)