Тошкент шаҳар Шайхонтоҳур туманида дарахт шохларини кесган фуқаро 18 миллион сўм жарима тўлайдиган бўлди. Бу ҳақда Экология бошқармаси хабар берди.
Маълум қилинишича, 26 март куни Экология, атроф-муҳитни муҳофаза қилиш ва иқлим ўзгариши вазирлиги Тошкент шаҳар бошқармасининг Шайхонтоҳур тумани бўлими масъуллари томонидан туман ҳудуди бўйлаб навбатдаги экологик назорат тадбирлари амалга оширилди. Амалга оширилган мазкур назорат тадбирлари давомида Шайхонтоҳур туманининг Абдулла Қодирий кўчаси, 2-сонли уйи олдида фуқаро Ш.А томонидан етти туп чинор дарахти шохлари ўсишдан тўхтамайдиган даражада кесилгани аниқланди.
Аниқланган ушбу ҳолат юзасидан фуқарога нисбатан давлат инспектори томонидан Маъмурий жавобгарлик тўғрисидаги кодекснинг 79-моддаси 1-қисми билан маъмурий баённома расмийлаштирилиб, БҲМнинг йигирма беш баробари (8 500 000 сўм) миқдорида жарима ҳамда табиатга етказилган зарар учун (9 520 000 сўм) миқдорда таъсир чораси қўлланди. Мазкур фуқаро табиатга етказган зарари учун жами миқдорда 18 020 000 сўм тўлайдиган бўлди.
Изоҳ (0)