Россия 26 март куни Украина шарқидаги Харьков вилоятига ҳужум уюштирган. Бу ҳақда The Moscow Timeс нашри хабар берди.
Хабарда айтилишича, ҳужум оқибатида 4 нафар маҳаллий фуқаро ҳалок бўлган. Жароҳатланганлар зудлик билан яқин атрофдаги касалхоналарга олиб кетилган.
Харьков вилоятига ҳужумлар 2022 йилнинг февралида Москва Украинага бостириб кирганидан бери мунтазам равишда давом этмоқда. Сўнгги бомбардимонлар натижасида минглаб одамлар электр тармоғидан узилиб қолган.
Харьков губернатори Олег Синегубов ўз хабарида 50 ёшдан ошган уч нафар эркак ва бир аёл минтақа бўйлаб артиллерия ва ракета зарбалари натижасида яраланганини маълум қилган. Ҳалок бўлганлар оиласига ҳамдардлик билдирган.
Шунингдек, Украина ҳарбий-ҳаво кучлари маъмурияти Россия кучлари 13 та Эрон ҳарбий дронлари билан Харьковга ҳужум уюштирганини тасдиқлаган. 10 та дрон Харьков вилояти, қўшни Суми вилояти ва пойтахт Киев яқинида уриб туширилгани қайд этилган.
Изоҳ (0)