Бокс бўйича собиқ жаҳон чемпиони Николай Валуев 2024 йилги Олимпиадада россиялик спортчилар камситилиши мумкинлигини айтиб ўтди.
“Улар бизнинг спортчиларимизни омма олдида камситишга уринишлари мумкин, спортчилар у ерга бориб, уларга шу имкониятни тақдим этади. Ҳар қандай ўзбошимчаликларга тайёр бўлиш керак. Лекин ҳеч ким тайёр эмаслигини амалиётдан кўряпмиз.
Шу воқеалар фонида Олимпиада ўйинларига боришимиз керакми? Спортчилар бутун умри давомида ўйинларга тайёргарлик кўрган, тушунаман. Лекин жиддий ўйлаб кўриш лозим. Агар қарор қабул қилинган бўлса, бунинг оқибатларигаям тайёр туриш керак.
Албатта, ҳамма эркин қарор қабул қилиш ҳуқуқига эга. Аммо келгусида бу нарса салбий ва ёқимсиз бўлиши мумкин. Парижга боришдан олдин, яхшироқ ўйлаб кўриш керак”, — дейди Валуев.
Париж—2024 Олимпиадаси 26 июлдан 11 августга қадар давом этади. Россиялик спортчилар ҳам Олимпиадада иштирок этиши мумкин бўлади, бироқ улар нейтрал статусга эга бўлади ҳамда саралашлардан ўтади.
Изоҳ (0)