АҚШ президенти Жо Байден россиялик ҳамкасби Владимир Путинни “қассоб” деб атади. Байденнинг нутқи Оқ уй сайтида эълон қилинди.
Байден Украинага ёрдам ажратиш учун бойлардан олинадиган солиқни ошириш ҳақида гапирар экан, Путинни ҳам тилга олди.
Бу билан нима қилишимиз мумкинлигини тасаввур қилинг. Биз федерал бюджет тақчиллигини сезиларли даражада камайтиришимиз мумкин. Кетма-кет бажаришимиз керак бўлган ишлар жуда кўп. Булар қаторида Украинани “қассоб” Путиндан ҳимоя қилиш ҳам бор, — деди АҚШ президенти.
Бу Байденнинг Россия президентини очиқчасига ҳақорат қилган биринчи ҳолат эмас. Жумладан, 2021 йил апрель ойида у Путинни қотил деб атаган эди. Кейинроқ Оқ уйнинг собиқ матбуот котиби Жен Псаки Байден маъмурияти Россия билан муносабатларида собиқ Дональд Трамп ҳукуматига нисбатан бошқача ёндашишини айтган.
2022 йилнинг май ойида эса Байден россиялик ҳамкасбини ҳарбий жиноятчи деб атаганди. Февраль ойида Навальний ўлимидан сўнг Америка етакчиси Путин “ўз халқига қарши даҳшатли жиноятлар содир этаётганини” айтганди.
Изоҳ (0)