Афғонистоннинг Қандаҳор вилоятида 21 март куни содир этилган портлашда 19 нафар маҳаллий аҳоли вакиллари ҳалок бўлди. Бу ҳақда Herat Times нашри хабар берди.
Воқеа ҳақида дастлаб Etilaatroz нашри хабар берган. Унда айтилишича, вилоят марказидаги “New Kabul Bank” биносида портлаш содир бўлган.
Портлаш “Толибон” идоралари ходимлари маошларини олиш учун банк офиси атрофида тўпланиб турганида юз берган. Ҳодиса оқибатида жароҳатланган 18 нафар фуқаро “Мирвайс” касалхонасига олиб кетилган.
Маҳаллий нашрлар портлаш оқибатида дастлаб 6 киши ҳалок бўлганини маълум қилган. Янгиланган маълумотларда эса қурбонлар сони 19 нафарга етгани маълум қилинган. Расмийлар бу рақамлар яна кўпайиши мумкинлигидан хавотир билдирган.
Қандаҳордаги “Толибон” хавфсизлик хизмати расмийлари портлаш содир этилганини расман тасдиқлаган ва тергов бошланганини маълум қилган.
Изоҳ (0)