Футбол бўйича Франция чемпионатининг 26-туридан ўрин олган учрашувда “Монпелье” ва “ПСЖ” жамоалари тўқнаш келди. Ўйин “Стад де ла Моссон” стадионида бўлиб ўтди. Учрашувда меҳмонлар йирик ҳисобда зафар қучди (2:6).
Парижликлар таркибида ҳужумчи Килиан Мбаппе учта гол урди. У ҳозирда 188 гол билан Франция чемпионати тўпурарлари рўйхатида 8-ўринни эгаллаб турибди. Бунга эришиш учун Франция терма жамоаси сардорига 241 та ўйин керак бўлди. Килиан Мбаппе 425 та ўйинда 187 та гол урган “Лион” ва “Црвена Звезда”нинг собиқ ҳужумчиси Флори Ди Наллодан олдинга ўтиб олди.
Рўйхатда Мбаппедан олдинги ўринда “Ним”, “Ницца” ва “Расинг” клубларининг собиқ ҳужумчиси Йозеф Уйлаки турибди. У 438 учрашувда 190 та гол уришга эришган.
Лига 1 тарихидаги энг яхши тўпурар 299 та гол урган Делио Оннис ҳисобланади.
Изоҳ (0)