Мадриднинг “Реал” клуби дарвозабони Андрей Лунин “Осасуна” билан ғалабали ўйиндан (4:2) сўнг “қаймоқранглилар” бош мураббийи Карло Анчелоттига мурожаат қилди.
“Жаноб, ишончингизни оқлайман”, — дея ўйиндан кейин сўзларини келтиради Realmadridexclusivo. Манбага кўра, Лунин италиялик устози ва унинг мураббийлар штабига ўзининг ажойиб формада эканлиги ва жароҳат олган белгиялик Тибо Куртуа қайтганидан кейин ҳам жорий мавсумда биринчи дарвозабон мақомини сақлаб қолишга ҳаракат қилишини айтиб ўтган.
25 ёшли Лунин 2018 йилда “Заря”дан “Реал”га 8,5 миллион евро эвазига ўтган эди. Жорий мавсумда дарвозабон “қироллик” клубида сафида барча турнирларда 22 та ўйин ўтказиб, 17 та гол ўтказиб юборган. Футболчининг Мадрид клуби билан шартномаси 2025 йилнинг июнь ойи охиригача амал қилади.
Transfermarkt интернет порталига кўра футболчининг тахминий нархи 8 миллион еврони ташкил қилади.
Изоҳ (0)