14 март куни Хон Юнус шаҳрида Исроил аскарлари 15 нафар фаластинликни ўлдирган. Бу ҳақда Al Jazeera нашри хабар берди.
Хабарда айтилишича, Хон Юнус шимолидаги Ҳамад аҳоли пунктида ҳам беш нафар фаластинлик ҳалок бўлган. 20 га яқин аҳоли вакиллари тан жароҳати олгани хабар қилинган.
Ғазодаги маҳаллий нашрлар тарқатган хабарларга кўра, Хон Юнусдаги Европа касалхонасига кун давомида камида 25 кишининг жасадлари олиб келинган. Жасадлар танасининг турли қисмларига кўп маротаба ўт очар қуролдан ўқ узилиши оқибатида вафот этгани айтилган.
Маълумотларга кўра, 7 октябрдан бери Ғазода Исроил амалиётлари оқибатида 31341 нафар фаластинлик ҳалок бўлган. 73134 киши тан жароҳати олган.
Исроил Ғазо билан бир пайтда Ғарбий Соҳилда ҳам рейдлар ташкил этмоқда. Хабарларга кўра, сўнгги 3 ой давомида Ғарбий Соҳил ва Қуддус жанубидаги аҳоли масканларида Исроил кучлари рейдлари оқибатида камида 433 киши ҳалок бўлган, 4650 дан ортиқ фаластинлик жароҳатланган.
Изоҳ (0)